Нұра ауданының мәдениет және тілдерді дамыту бөлімі
Нұра орталықтандырылған кітапханалар жүйесі

Ай кітабы

Әлімжанов Ә. Ұстаздың оралуы, Жазушы, Махамбеттің жебесі: Романдар (Орысшадан аударған: С. Муратбеков пен Т. Жанұзаков. – Алматы: Жазушы, 1981.-544 б.

Дж.  Неру атындағы халқаралық сыйлықтың, Қазақ ССР Мемлекеттік сыйлығының лауреаты Әнуар Әлімжановтың «Ұстаздың оралуы» атты бір томдық жинағына тарихи тақырыпқа жазылған «Ұстаздың оралуы», «Жаушы», «Махамбеттің жебесі» атты шығармалары еніп отыр.

            «Ұстаздың оралуы» романында орта ғасырларда өмір сүрген Ұлы ғалым әл-Фарабидің тарихи бейнесін жасаған.

Қазақстанның өз еркімен Россияға қосылуының 250 жылдығына арналып жазылған «Жаушы» романында қазақ халқының1723 жылдың көктеміндегі жоңғар шапқыншылығына қарсы ұлт-азаттық көтерілісі суреттеледі.

«Махамбеттің жебесі» романы Исатай Тайманұлымен бірге қазақ халқының 1836-1838 жылдардағы ұлт-азаттық көтерілісін басқарған ардагер ақын Махамбет Өтемісұлының тарихи тулғасын сомдауға арналған.

 

Анонс

Іс-шаралар анонсы шілде 2020 жыл


Іс-шаралар анонсы

07.07 – 10.07. 2020 жыл.

Көпшілік жұмыс

Уақыты

«Әсем қала, арман қала» атты видеоролик. Мұзбел ауылдық кітапхана.

07.07.2020

«Нұрсұлтан – астанасы елімнің» фото-көрме Ахметауылдық кітапхана.

07.07.2020

«Мемлекет астанасы-ел мақтанышы» Библиопост. Тассуат ауылдық кітапханасы.

07.07.2020

«Еуразия төрінде» виртуалды кітап көрмесі. Заречный ауылдық кітапханасы.

07.07.2020

«Бұл есім бәріне таныс» онлайн-презентация. Егіндікөл ауылдық кітапханасы.

07.07.2020

«Нұр-Сұлтан-арман қала»  фотоқұттықтау. Изенді ауылдық кітапхана.

08.07.2020

«Рухани жаңғыру – дәуір талабына сай жаңғыру» библиопост. Ақмешіт ауылдық кітапхана.

08.07.2020

«Елін ертеңіне жетелген Елбасы» видеопортрет Көбетей ауылдық балалар кітапханасы.

08.07.2020

Фотогаллерея  «Қазақстан астанасының көрнекті орындары». Заречный ауылдық кітапханасы.

08.07.2020

«Күйші, композитор,домбырашы, шертпе күй орындаушылық мектебінің  негізін қалаушылардың бірі Тәттімбет Қазанғапұлының  туғанына  205 жыл» видео шолу. Жараспай ауылдық кітапхана.

09.07.2020

Сөзжұмбақ «астана». Изенді ауылдық кітапхана.

09.07.2020

«Мамандық - өмір таңдауы» -  виртуалды кітап көрмесі. АБК.

09.07.2020

«Аулақ бол жаман әдеттен»-шақыру көрме, Ахметауылдық кітапхана.

09.07.2020

«Достопримечательности столицы» Фото карусель. С кратким описанием. Тассуатская сельская библиотека.

09.07.2020

«Кітап атауын тап» сөзжұмбақ. Изенді вуылдық кітапхана.

10.07.2020

«Латын әліпбиіне көшу- күттірмес мәселе» библиопост. Мұзбел ауылдық кітапхана.

10.07.2020

Алтын Орда хандығына 750 жыл Алтын орда сауалнамасы. Жараспай ауылдық кітапхана.

10.07.2020

«Коронавирус. Ауру туралы білу маңызды»  Слайд-шолу. Кобетей балалар кітапханасы.

10.07.2020

 


Авторландыру

Дәкен Шалабекұлы

Қаралды (2303)

Дәкен Шалабекұлы 1922 жылы Қарағанды облысы Нұра ауданының «Балықтыкөл» совхозындағы Нашарбек қыстауы деген жерде орта шаруаның отбасында туған.
Ауылда сауатсыздар мектебінде сауат танып, 1920-33 жылдары бастауыш мектептің 4 сыныбын бітірді. 1933-34 оқу жылында Захаровка жетіжылдық мектебін, содан соң Казгородок қазақ орта мектебін тамамдайды.
  Бұдан кейін Қарағандыдағы екі жылдық мұғалімдер институтына оқуға түсіп, содан соң Захаровка (қазіргі Ақмешіт) мектебінде оқу ісінің меңгерушісі және Плаховка (қазіргі Қантай)  мектебінде директор болып қызмет атқарады.
1945 жылы С.М. Киров атындағы Қазақ мемлекеттік университетінің тіл-әдебиет факультетіне түсіп, оны 1948 жылы бітіріп шығады. Сол жылдан бастап Қарағанды қаласындағы екі қазақ орта мектебінде – Ескі қаладағы Жамбыл атындағы №7 мектеп пен Михайловкадағы №2 қазақ орта мектебінде  қазақ тілі мен әдебиеті пәнінен сабақ береді.
Д. Шалабекұлының облыстағы білім беру саласын дамытуға қосқан үлесі үлкен. Ол Нұра ауданындағы қазақ мектептерінің ірге тасын қалаушылардың бірінен саналады. Соғыс кездерінің ауыртапылығына қарамастан майдандағы жауынгерлердің балаларын оқумен қамту үшін аянбай қызмет етеді. Алыстағы Плаховка ауылында мектеп ашады. Оны іргелі оқу орнына айналдыруға айрықша еңбек сіңіреді. Мектепке қажетті жиһаздарды арбаға тиеп Қарағандыдан өзі жеткізеді.
Д. Шалабекұлы 1951 жылы Қазақ ҚСР Ғылым Академиясының Тіл және әдебиет институтына қызметке қабылданады. Инститтуттың бөлім меңгерушісі, ұлы жазушы М. Әуезовтің үміт күттіретін шәкірттерінің бірі болады. Академияда жыл қызмет еткенде Қарғандыда ғылыми іс-сапармен көп болады. Академияның Қарағанды кенші ақындарының фольклорын жинау үшін ұйымдастырған экпедициясын бірнеше рет басқарады. Соның қорытындысы ретінде 1961 жылы «Қарағанды жұмысшыларының әңгіме-жырлары» атты жинақ шығарады. Бұл кітап күні бүгінге дейін ғылыми маңыздылығын сақтап келеді.
Ғылыми ұстазы М. Әуезов Мәскеуде қатты сырқаттанып жатқанда Академияға хат жолдап, жоғарыда аталған кітаптың кешікпей шығаруына алаңдатушылық білдіреді.
           Д. Шалабекұлының бұл еңбегі қазақ әдебиеті тарихының 1-ші томында аталып өтілуін өтінеді.
Дәкен Шалабекұлы 1958 жылы, небәрі 37 жасында ауыр науқастан қайтыс болады. Оның есімі 1998 жылы Қантай ауылындағы мектепке беріледі.

1.Іңкәрбекова, Г.

Жақсының аты, ғалымның хаты өлмейді//Нұра.- 2007.- 10 қараша. – Б.3

2.Өмірбек, Ж.
Жігерлі ғалым, алғыр азамат еді.//Орталық Қазақстан.- 1998.- 23 қыркүйек.- Б. 2
 

© 2013 Нұра орталықтандырылған кітапханалар жүйесі
Әзірлеуші және қолдаушы: Интернет-компания Creatida
Яндекс.Метрика